Ku mupaka w’u Rwanda n’u Burundi, umugabo w’Umurundi yatorakanye amapingu ahungira mu Rwanda.
Mu gihe uyu mugabo yageraga mu Rwanda, Abarundi barimo n’abapolisi b’iki gihugu batangiye gutera amabuye mu Rwanda.
Ababibonye bavuga ko uyu mugabo yari yatawe muri yombi ku wa Gatatu n’inzego z’umutekano mu ntara ya Cibitoki, ihana imbibi n’u Rwanda.
Uyu mugabo yari ahambirijwe amapingu, u Burundi ngo bwamushinjaga kuba intasi y’u Rwanda.
Ubwo uyu mugabo yajyanwaga gufungwa mu Burundi, yahise asimbuka imodoka ariruka cyane ahungira mu Rwanda.
Akimara guhunga, inzego z’umutekano n’abaturage b’iki gihugu batangiye kumwirukaho bamutera amabuye, na nyuma y’uko ageze mu Rwanda.
