Umugaba mukuru w’ingabo za Sudani y’Epfo, Gen Ajongo Mawut yitabye Imana mu rukerera rwo kuri uyu wa gatanu azize uburwayi yari ari kwivuriza mu gihugu cya Misiri.
Perezida wa Sudani y’Epfo, Salva Kiir akaba yahise asohora itangazo ritangaza urupfu rw’umugaba mukuru w’ingabo za SPLA avuga ko ruteye agahinda kandi yari umugabo w’intangarugero wagize uruhare mu ishingwa ry’ishyaka SPLM/A.
Yagize ati: “Mawut yakoreye iki gihugu mu bwitange n’icyubahiro kandi azahora yibukwa nk’intwari.”
Gen Mawut yinjiye mu nyeshyamba zo mu majyepfo ya Sudani mu 1983, aba umugaba mukuru w’ingabo muri Gicurasi 2017 nyuma y’iyirukanwa rya Gen. Paul Malong.
Mu minsi ishize nibwo twari twabagejejeho inkuru ivuga ko igihugu cy’u Budage cyangiye uyu mujenerali kwinjira ku butaka bwacyo aho yashakaga kujya gukorerwa operation kubera ikibazo cy’impyiko, bikaba ngombwa ko yerekeza mu Misiri kuba ari ho yivuriza.
Src:Sudantribune
![Eh Abasore na Bagabo batera abakobwa Inda bakazihakana [ Akabo kashobotse ] Dore imyanzuro ikakaye igiye kubafatirwa vuba cyane](https://rushyashya.net/wp-content/uploads/2017/06/arton8429-360x240.jpg "Eh Abasore na Bagabo batera abakobwa Inda bakazihakana [ Akabo kashobotse ] Dore imyanzuro ikakaye igiye kubafatirwa vuba cyane")
