• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • BURUNDI: Urupfu rw’abarwanashyaka 31 ba CNDD-FDD i Busoni rwibajije byinshi ku mutekano w’abaturage n’inshingano z’ubuyobozi   |   18 Nov 2026

  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

 
You are at :Home»UBUKUNGU»Ufitiye umwenda leta agiye gukomanyirizwa [ gushyirwa mu kato ]

Ufitiye umwenda leta agiye gukomanyirizwa [ gushyirwa mu kato ]

Ubwanditsi 27 Apr 2018 UBUKUNGU

Minisitiri w’Ubutabera akaba n’Intumwa ya Leta, Busingye Johnston, yatangaje ko leta yatangiye gahunda yo kubuza abayibereyemo umwenda kubona serivisi zitandukanye.

Minisitiri Busingye, ku wa 26 Mata 2018, yari mu nama nyunguranabitekerezo yateraniye muri Sena y’u Rwanda yigaga ku kibazo cyo gucunga umutungo wa leta nabi, bigateza igihombo gikabije.

Yavuze ko hari abantu banyereje umutungo wa leta bagatsindwa imanza ariko kugeza ubu bakaba batarishyura, bikaba byarabaye nk’umuco ko umuntu uyitsinze akora ibishoboka byose ikamwishyura ariko uwo itsinze agakora ibishoboka byose ntiyishyure.

Mu gukemura iki kibazo, uyu muyobozi yavuze ko bashyizeho uburyo bubuza serivisi zitandukanye umuntu wanze kwishyura leta, ku buryo bizamuca intege akishyura.

Yagize ati “Kugaruza abantu batekerezaga ko leta iyo igutsinze utayishyura ariko leta iyo uyitsinze igomba kukwishyura, iyo myumvire yari ihari ntabwo nzi uburyo yavutse ariko narayisanze. Ntibyari ngombwa kuyihisha, guhisha ibyo utunze, abantu bumvaga ko yaraburanye bamutegeka kwishyura leta miliyoni 10 Frw ariko si ngombwa kuyatanga.”

Yunzemo ati “Ubu ngubu magingo aya hari ikibazo gishyashya, uwo leta yaraye itsinze azinduka ibyo atunze, agahindura afunga za konti, akabura aho yari azwi ko atuye. Ubu ibyo turi gukora ni uko umuntu atangiye kuburana ni ko dutangira kumenya muri dosiye ye ni bwo tumenya uwo ari we, n’icyo atunze kugira ngo bitazatugora kuko tuzaba tubifite.”

Yakomeje avuga ko kugaruza iby’inkiko zategetse ari urugendo rwabaye rurerure ariko hatangiye kubakwa uburyo butuma umuntu adashobora kuguma kwidegembya.

Yagize ati “Ubu tumaze kugira uburyo bw’ikoranabuhanga ku buryo buri muntu wese wategetswe n’inkiko kugira ibyo yishyura leta, ndetse tukayihuza n’ubundi buryo bw’ikoranabuhanga mu nzego zinyuranye, mu Kigo cy’Igihugu gishinzwe kwinjiza imisoro n’amahoro, Ikigo gishinzwe irangamuntu, abashinzwe ubutaka n’ahandi.”

Busingye yavuze ko ubwo buryo butuma umuntu ubereyemo leta umwenda atazajya abasha gusaba inguzanyo muri banki ngo ayihabwe.

Yagize ati “Byaratangiye, iyo twohereje amazina bayashyiramo ku buryo niba ubereyemo leta amafaranga kwaka umwenda ni ukubanza ukajya gukemura ikibazo wari ufitanye na leta.”

Yavuze ko ubwo buryo bwo kubuza serivisi abo bantu bugomba kwaguka bukanagera ku makarita y’ikoranabuhanga akoreshwa mu kwishyura serivisi.

Ati “Hari n’ubwo twatekereje ibintu bitoya cyane, aya makarita akoreshwa mu kwishyura, twatekereje ko na yo abantu bakwiye kujya bayakoresha wajya kuyakoresha aho wishyura, mu bintu bito cyane, waba ugura nka lisansi ugasanga kuri sitasiyo ikarita yawe yanze gukora kubera ko ufite umwenda. Ubu mu gihe gito na byo biraza kuba byakozwe, turaza kubigeraho. Ku buryo umuntu ubereyemo leta umwenda dutekereza ko adakwiye kuba abona izindi serivisi.”

Nta mibare igaragaza ingano y’amafaranga amaze kugaruzwa minisitiri yatangaje.

Umushinjacyaha Mukuru, Mutangana Jean Bosco, yagaragaje ko ikigero butsindiraho imanza zo kunyereza umutungo cyazamutse, kirenga 80%; mu myaka icumi ishize bwatsinze imanza zirenga igihumbi zaregwagamo abantu 999, inkiko zategetse ko bagomba kwishyura hafi miliyari enye z’amafaranga y’u Rwanda.

Yanavuze ko ikibazo cyo kurigisa umutungo gihangayikishije bitewe n’uko amadosiye yabyo akomeje kwiyongera.

Yagize ati “Ni ukuvuga ngo amakosa mu micungire y’imari arakomeza kuzamuka, abadafite raporo ntamakemwa barakomeza kuba benshi, bivuze ko amafaranga ya leta akomeza kunyerezwa.”

Mutanganga yanavuze ko kugeza ubu hari amafaranga Ubushinjacyaha bumaze kugaruza binyuze mu buryo bw’amande, aho itegeko ribwemerera kubikora. Bamaze kuyaca abakekwaho icyaha cyo kurigisa 347, amande angana na 167,250 000 Frw.

Guhera 2007 kugera 2015, hari amafaranga angana na miliyoni 520 yagarujwe mbere y’uko imanza ziburanishwa, aho abakekwaga 697 bemeye ko babikoze bakayatanga ku neza.

Perezida wa Sena, Makuza Bernard, yavuze ko gucunga nabi umutungo wa leta bituma igihugu kitagera ku cyerekezo kiyemeje ndetse bikanagira ingaruka zikomeye ku muturage, aho yashimangiye ko ayo makosa atazakomeza kwihanganirwa.

 

Minisitiri w’Ubutabera, Busingye Johnston, mu nama nyunguranabitekerezo muri Sena ku kibazo cyo gucunga umutungo wa leta nabi

 

 

Perezida wa Sena, Makuza Bernard

 

Umushinjacyaha Mukuru, Mutangana Jean Bosco

 

Senateri Prof. Karangwa Chrysologue (Iburyo) ni we wayoboye ibiganiro

 

Abanyamabanga bahoraho muri za minisiteri bari batumiwe muri Sena

 

2018-04-27
Ubwanditsi

IZINDI NKURU

Ibiciro ku masoko byiyongereyeho 3.0% muri Gicurasi

Ibiciro ku masoko byiyongereyeho 3.0% muri Gicurasi

Ubwanditsi 11 Jun 2018
Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

Ubukungu bw’u Rwanda bwiyongereye ku kigero cya 1.7% mu gihembwe cya mbere cya 2017

Ubwanditsi 10 Jul 2017
Perezida Kagame na Magufuli bemeranyije gutangira iyubakwa ry’umuhanda wa gari ya moshi [ Isaka-Kigali ]

Perezida Kagame na Magufuli bemeranyije gutangira iyubakwa ry’umuhanda wa gari ya moshi [ Isaka-Kigali ]

Ubwanditsi 14 Jan 2018
Umusaruro w’ubuhinzi natwe twawitunganyiriza – Perezida Kagame

Umusaruro w’ubuhinzi natwe twawitunganyiriza – Perezida Kagame

Ubwanditsi 08 Sep 2018

Leave a Reply Cancel reply

Your email address will not be published. Required fields are marked *

IZO TWAGUHITIYEMO

u Burundi bwemeye kwakira  imirambo y’Abarundi biciwe i Rusizi
Mu Mahanga

u Burundi bwemeye kwakira imirambo y’Abarundi biciwe i Rusizi

Ubwanditsi 03 Sep 2016
Polisi yatahuye ibikoresho byibwe, bamwe mu bakekwaho ubwo bujura barafatwa
Mu Rwanda

Polisi yatahuye ibikoresho byibwe, bamwe mu bakekwaho ubwo bujura barafatwa

Ubwanditsi 03 Mar 2017
Mu mateka y’U Rwanda rwohereje mu isanzure icyogajuru kizahaza internet ibice by’icyaro
IKORANABUHANGA

Mu mateka y’U Rwanda rwohereje mu isanzure icyogajuru kizahaza internet ibice by’icyaro

Ubwanditsi 28 Feb 2019

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru