Tariki ya 29 Kanama 2018 ni umunsi utazibagirana mu mateka y’umupira mu Rwanda kuko ariwo Rayon Sports yageze muri ¼ cy’igikombe cya Afurika cy’amakipe yabaye aya mbere iwayo.
Umukino wabaye kuri uyu wa Gatatu warangiye iyi kipe yambara ubururu n’umweru itsinze Yanga Africans yo muri Tanzania igitego kimwe ku busa cya Bimenyimana Bonfils Caleb.
Iki gitego cyatumye iyi kipe yari mu itsinda rimwe na US Alger, Gor Mahia na Yanga Africans irangiza itsinda ari iya kabiri n’amanota icyenda, mu gihe US Alger yo yasoje ari iya mbere n’amanota 11.
