Kuri iki cyumweru ikipe y’Ingabo z’Igihugu ya APR FC yerekanye abakinnyi bashya batatu yitegura umwaka utaha w’imikino wa 2025-2026.
Abo bakinnyi berekanywe ni Umunyezamu Hakizimana Adolphe wakiniraga AS Kigali agasoza amasezerano, Ukina hagati mu Kibuga, Ngabonziza Pacifique wari umaze imyaka 4 muri Police FC.
Hari kandi Dao Raouf Memer ukina hagati asatira wari usanzwe akina mu ikipe ya AS Sonabel y’iwabo muri Burkinafaso.
Raouf uje muri iyi kipe y’Ingabo z’igihugu niwe mukinnyi witwaye neza mu mwaka ushize w’Imikino wa 2024-2025.
Aba bakinnyi bose baje muri APR FC yotegura gukina imikino mpuzamahanga ya CAF Champions League izatangira gukinwa muri Nzeri uyu mwaka.
Iyi mikino ikaba izabanzirizwa n’umukino uruta iyindi wa Super Cup ya hano mu Rwanda uzayihuza na Rayon Sports ukazakinwa muri Kanama.
