Avuga ko ariwe ntwari itarigeze ibaho mu Rwanda, uwo nta wundi ni Sibomana Athanase, wari umunyamakuru w’igitaramo kuri Radio Rwanda mbere na nyuma ya Jenoside yakorewe Abatutsi. Nyuma ya Jenoside yasabwe gusubira mu ishuri akagira dipoome nibura y’amashuri yisumbuye aranangira bituma asezererwa kuko icy kigo cyitwaga ORINFOR kitari gukoresha nibura uwarangije amashuri yisumbuye nkuko bisabwa na Minisiteri y’abakozi. Yimukiye kuri Radio yigenga nayo aza kuyivaho.
Muri iyi minsi, Sibomana yaratunguranye asaza nabi nawe avugako ariwe ufite ukuri ku mateka y’u Rwanda ariko ukuri kwe gushingiye ku gupfobya amateka ya Jenoside yakorewe Abatutsi aho avuga ko ari intwari atishe ahubwo ko yahishe Abatutsi. Ariko ibi Sibomana abivuga kugirango arangaze abamukurikira ahubwo atange ubutumwa bwe bugamije gupfobya
Yahunze baringa ajya mu gihugu cya Uganda akavuga ko ashakishwa kubera ibikorwa nawe azi akora biganisha ku byaha byo gupfobya Jenoside yakorewe Abatutsi no gusebya ubuyobozi bw’u Rwanda no gukorana n’ababa mu mitwe y’iterabwoba
Inda nini ya Sibomana yasumbye indagu, ntiyanyurwa ashaka gufatwa nk’igitangaza nkaho hari icyo yakoze abandi bantu batabasha cyangwa kidasanzwe. Kuba u Rwanda rw’ubu rufata bose kimwe ntabyo kugira abantu ibitangaza biri mu byatumye Sibomana yangara kuko ibyubahiro yashakaga yabibuze
Intwari ntiyimenya imenwa n’abandi baba bazi ibikorwa bye, cyane ko intwari ikora ibikorwa bya gitwari yo ibifata nk’ibisanzwe kandi ntiyigambe
Kuva yijandika mu byaha Sibomana avuga ko ntacyo agitinya, ubu igitima kiradiha kuko amaze kubona ko bimwe mu biganiro yakoze birimo ibikorwa bigize ibyaha
Ashaje yanduranya, ngo arashaka viyuzi kuri YouTube nawe abone amafaranga nkuko hari abagize ibihuha umwuga wabo ku mbuga nkoranyambaga ngo babone amaramukiro.
U Rwanda rwaroshywe mu manga n’ibigwari ariko intwari zitivuga kandi zitirata nizo zarugaruye rutemba, naho Sibomana Athanase, ubutwari bwe niwe wenyine ubuzi
