Ku gicamunsi cyo kuri iki Cyumweru, nibwo ikipe y’ingabo z’igihugu APR FC yakinaga umukino wayo w’umunsi wa mbere wa shampiyona na Gorilla FC, iyitsinda ibitego bibiri kuri kimwe, amakipe yombi abarizwa mu itsinda A.
Ni umukino wabereye mu karere ka Huye kuri stade Huye, ari naho ikipe ya APR FC izajya yakirira imikino yayo ya shampiyona ya 2020-2021, ni umukino kandi wabanjirijwe n’umuhango wo gushyikiriza APR FC igikombe cyayo cya shampiyona ya 2019-2020 yegukanye idatsinzwe umukino n’umwe.
Nyuma y’uwo muhango amakipe yombi yinjiye mu kibuga atangira kwishyushya, saa cyenda zigeze atana mu mitwe, maze ikipe y’ingabo z’igihugu ibasha gutahana amanota atatu y’umunsi wa mbere wa shampiyona itsinze Gorilla FC ibitego 2-1.
Ni ibitego bya tsinzwe na Nsanzimfura Keddy ku munota wa 13′ ndetse na rutahizamu Nshuti Innocent ku munota wa 19′ mbere y’uko Gorilla nayo itsinda igitego cyayo kimwe rukimbi yabonye muri uyu mu kino ku munota wa 82′ umukino urangira ari 2-1.
Iyi shampiyona irimo gukinwa mu buryo bw’amatsinda aho ikipe iyi kipe y’ingabo z’igihugu iri mu itsinda rya A ihuriyemo n’amakipe nka Bugesera AS Muhanga na Gorilla. APR FC ikaba izasubira mu kibuga kuwa Gatatu isura AS Muhanga.
Ku rundi ruhande kuri sitade Amahoro ikipe ya Rayon Sports yatsindaga ikipe ya Gasogi United bari kumwe mu itsinda igitego kimwe ku busa cyatsinzwe na Sugira Ernest ku munota wa 94 w’umukino.
Rayon Sports irasubira mu kibuga isura ikipe ya Kiyovu Sports kuri uyu wa gatatu tariki ya 6 Gicurasi 2021 , ni umukino uzabera kuri sitade Amahoro i Remera, naho ikipe ya Gasogi United yo kuri uwo munsi izakira ikipe ya Rutsiro kuri sitade ya Bugesera guhera 15h00.
