Kuri iki cyumweru muri BK ARENA hasorejwe irushanwa ngarukamwaka ryo gushimira abasora TaxPayers Appreciation volleyball tournament.
Ni irushanwa ritegurwa n’ikigo cy’igihugu cy’imiso n’amahoro Rwanda Revenue Authority kubufatanye na Federasiyo y’umukino wa volleyball mu Rwanda (FRVB).
Iri rushanwa ryatangiye ku wagatandatu taliki ya 11 ugushyingo aho rikaba ryaritabiriwe n’amakipe 9 yo mu mu bagabo n’abagore.
Amakipe y’abagabo yitabiriye ni POLICE,APR, East Africa University Rwanda (EAUR) ndetse n’ikipe ya KEPLER.
Mu bagore iri rushanwa ryitabiriwe n’amakipe ya RUHANGO, IPRC KIGALI, APR, POLICE ndetse na RRA.
Mu cy’icyiro cy’abagabo ikipe ya APR VC niyo yegukanye iki gikombe itsinze ikipe ya KEPLER amaseti 3-2.
Mu cyiciro cy’abagore, ikipe ya POLICE VC niyo yegukanye igikombe itsinze ikipe ya RRA amaseti 3-1.
Muri iri rushanwa ryabaga ku nshuro ya 3, ikipe yabaye iya mbere muri buri cyiciro, yahawe Miliyoni 2 z’amafaranga y’u Rwanda, iya kabiri yegukana Milino imwe n’igice naho iya Gatatu ihabwa Miliyoni imwe.
Mu bagabo, ikipe ya mbere yabaye APR VC, Kepler VC iba iya kabiri naho Police VC yegukana umwanya wa gatatu.
Mu bagore Police WVC yegukanye igikombe, ikurikirwa na RRA WVC naho APR WVC yo yasoje ku mwanya wa Gatatu.
Hanahembwe abakinnyi bitwaye neza aho mu Bagabo Gatsinzi Vénuste wa APR VC yabaye umukinnyi mwiza w’irushanwa naho Ainembabazi Cathy wa Police WVC aba uwitwaye neza mu Bagore.
