Umuhanzi ukomeye mu Burundi, Mugani Desire wamamaye nka Big Fizzo yatunguranye asezerana n’umukunzi we mushya mu birori byabaye ku wa Gatanu tariki ya 24 Kanama 2018.
Big Fizzo[Farious] arushinze mu gihe hari haciyemo iminsi mike ahishuye ko ateganya gukora ubukwe ku nshuro ya kabiri. Yemeje ko ashaka kongera kurushinga ubwo yaje i Kigali mu gitaramo cyo kumurika album ya Dj Pius.
Uyu muhanzi yasezeranye imbere y’amategeko na Edith Stein Kimana nyuma ajya mu muryango we gusaba umugeni mu birori byabereye mu Mujyi wa Bujumbura. Ubukwe bwatashywe n’inshuti za hafiz a Big Fizzo n’abo mu muryango wa Edith ba hafi gusa, nta bahanzi bazwi cyane mu Burundi bagaragaye muri ibi birori.
Nyuma yo gusezerana imbere y’amategeko, biteganyijwe ko Big Farious na Edith Stein Kimana[uyobora Bantu Bwoy Entertainment] bazajya gukorera ubukwe mu Burayi ari naho uyu muhanzi akunze kuba.
Iby’ingenzi wamenya kuri Fizzo:
Amazina ye asanzwe, yitwa Mugani Desire
Afite imyaka 40, yavutse tariki 25, Nyakanga 1978
Yavukiye Burundi, Bujumbura, mu Bwiza
Se yitwa Mugani Adophe (yarapfuye)
Nyina yitwa Ndayishimiye Carisse
Ni imfura mu bavandimwe batatu; We, Piter Mugani, Eliane
Yize amashuri yisumbuye (12eme)
Akunze kuba mu Bufaransa, ahitwa Touluse, aho yabanaga n’umugore wa mbere.
![Meddy yashyize hanze amashusho y’indirimbo agaragaramo abakobwa bambaye amakariso n’amasutiye gusa [AMAFOTO na VIDEO ]](https://rushyashya.net/wp-content/uploads/2018/10/Meddy-amaze-iminsi-ararikira-abantu-iyi-ndirimbo-ye.jpg "Meddy yashyize hanze amashusho y’indirimbo agaragaramo abakobwa bambaye amakariso n’amasutiye gusa [AMAFOTO na VIDEO ]")
