Ishyaka Sahwanya-FRODEBU ryitandukanyije n’ihuriro CNARED rihuriyemo amashyaka atavuga rumwe n’ubutegetsi mu Burundi mu rwego rwo kwitegura amatora y’umukuru w’igihugu yo mu 2020.
Kuri uyu wa kane, itariki 18 Ukwakira nibwo iri shyaka ryatangaje ko ryafashe ibyemezo bitandukanye bizaryorohereza n’abarwanashyaka baryo kwiyunga nyako mbere y’amatora ateganyijwe mu 2020.
Urubuga Ubmnews rwo mu Burundi dukesha iyi nkuru rukaba ruvuga ko iki ari ikibazo gikomeye ku ihuriro CNARED risanzwe rirangwamo icyo bise akajagari kubera kutabona ibintu kimwe kw’abahuriye muri iri huriro.
Ku rundi ruhande, hari n’abasanga ngo iri shyaka, Sahwanya-FRODEBU ryaba rishaka uko uko rizabasha kwinjira mu nzego za leta mu 2020.
