Ku wa gatandatu tariki ya 29 Ukwakira 2016, Clément Kayishema wabaye Perefe wa Kibuye mu 1994 yaguye muri Gereza mu gihugu cya Mali aho yari afungiye.
Clément Kayishema yari yakatiwe n’urukiko rw’Arusha gufungwa ubuzima bwe bwose mu bujurire mu 2001.
Clement Kayishema wahoze ari prefet wa Kibuye (1992-1994) niwe ubwe wagiye muri Stade Gatwaro ahari hahungiye Abatutsi benshi, afata umukecuru rukukuri amurasira imbere y’abaturage ngo arimo kubaha urugero ko n’uwica imbeba atababarira n’ihaka.
Kuva ubwo abantu basaga ibihumbi 11 biciwe muri iyo sitade ya Gatwaro, abandi bakabakaba ibihumbi bibiri bicirwa muri Kiliziya ya Mutagatifu Yohani ku itegeko ryatanzwe na Kayishema.
Clément Kayishema
