Umukino w’umunsi wa 27 wa shampiyona y’icyiciro cya mbere mu gihugu cy’Ubwongereza wahuzaga Manchester United na Arsenal urangiye amashitani atukura atsinze abarashi ibitego 3-2.
Umwana muto Marcus Rashord yishimira igitego cyambere yari atsinze
Manchester United yatsinzwe umukino wahuje amakipe yombi mu mikino ibanza ku bitego 3-0, yari yakiriye uyu mukino idahabwa amahirwe kubera imvune nyinshi z’abakinnyi basanzwe babanza mu kibuga.
Arsenal yaragerageje biranga Ramsy ahaganye na basore Man u
Marcus Rashord w’imyaka 18, yafashije United gufungura amazamu ku munota wa 28 ndetse nyuma y’iminota itatu gusa atsinda icya 2 n’umutwe.
Rashord ateramo umutwe mwiza
Danny Welbeck wagiye muri Arsenal avuye muri Manchester United yatsindiye Arsenal igitego cya mbere ku munota wa 40 n’umutwe, amakipe yombi ajya kuruhuka ari 2-1.
Dan Welbek wahoze akinira Machester wari wayizonze
Ku mupira yahawe na Marcus Rashord, Ander Herrera yatsinze igitego cya gatatu cya Manchester United ku munota wa 65 mbere yuko Mesut Ozil atsinda igitego cyiza cya kabiri ku ruhande rwa Arsenal nyuma y’iminota ine gusa.
Ander Herrera yishimira igitego cya gatatu
Arsenal yagumanye amanita 51 ku mwanya wa 3, Manchester United igira 44 ku mwanya wa 5.
Arsenal ikaba imaze imyaka 9 itabasha gutsindira Manchester United ku kibuga cyayo muri shampiyona.
Abakinnyi babanje mu kibuga ku mapnde zombi:
Man United: De Gea, Varela, Carrick, Blind, Rojo, Schneiderlin, Herrera, Lingard, Mata, Depay, Rashford.
Arsenal: Cech, Bellerin, Gabriel, Koscielny, Monreal, Ramsey, Coquelin, Walcott, Ozil, Sanchez, Welbeck.
