Burundi :Umukobwa wa Général de Brig. Athanase Kararuza na we yitabye Imana

Kuri uyu wa Kane tariki 28 Mata,2016 nibwo inkuru y’akababaro yasakaye ivuga ko umukobwa wa Général de Brigade Athanase Kararuza, Danielle Mpundu yitabye Imana nyuma yo gukomerekera mu gitero cyahitanye ababyeyi be ku wa mbere tariki 25 Mata.

Ikinyamakuru Iwacu Burundi gitangaza ko Daniella muri iki gitero isasu ryamufashre mu bitugu ndetse agakomereka n’ukuguru aho yahise ajyanwa mu Bitaro bya Gisirikare bya Kamenge.

Abaganga babakaba tangaza ko kuva icyo gihe Danielle yahise ajya muri Koma ayo yavuyemo ku wa Gatatu ariko nabyo bikaba iby’igihe gito kuko nyuma yo kuvuga ko amerewe nabi mu nda abaganga baje gusanga hari isasu yarashwe mu nda ndetse n’ibishashi bya Gerenade bikaba byaramufashe.

Bakaba barahise bafata icyemezo ko kumujyana mu bitaro bya Kira kugira ngo acishwe mu Cuma ndetse abagwe gusa ngo nyuma yo kubagwa ntabwo yabashije kongera gukanguka yahise ashiramo umwuka.

Umurambo wa Daniella Mpundu ukaba warahise ujyanwa mu buruhukiro bwa Clinic yitiriwe Prince Louis Rwagasore.

Daniella akaba yitabye Imana nyuma y’uko igitero yakomerekeyemo gihitanye se na nyina ndetse n’umwe mu bari bashinzwe umutekano ku wa mbere tariki 25 Mata,2016.