Ishyirahamwe ry’Umukino w’intoki wa Volleyball mu Rwanda (FRVB) ryatangaje urutonde rw’agateganyo rw’abakinnyi 21 batangiye imyiteguro yo kwitabira Shampiyona Nyafurika ya Volleyball y’Abagabo 2026 (CAVB African Nations Championship), iteganyijwe gutangira mu ntangiriro za Nzeri 2026.
Umutoza mukuru w’Ikipe y’Igihugu, Frédéric Guérin, yatangiye umwiherero hamwe n’aba bakinnyi, aho bakora imyitozo igamije kubategura neza mbere y’iri rushanwa rizahuza ibihugu bikomeye bya Afurika rikazabera muri Congo Kinshasa.
Kimwe n’andi makipe 16 yabonye itike azatangira guhatana tariki ya 7 Nzeri kugeza kuya 21 Nzeri 2026, iri rushanwa rikaba rije nyuma yaho iryaherukaga ryabaye mu mwaka wa 2023 ribera I Cairo mu Misiri akaba ari n’iki gihugu cyatwaye igikombe.
Urutonde rw’agateganyo rw’abakinnyi bahamagawe
Setters:
- Ntanteteri Crispin (REG VC)
- Nsabimana Mahoro Yvan (Kepler VC)
- Nolan Enzo Ganza (Nyanza TSS)
Receivers:
- Niyonshima Samuel (APR VC)
- Rukundo Willy (Gisagara VC)
- Munyamahoro D’Amour (APR VC)
- Mutabazi Yves (APR VC)
- Gisubizo Merci (REG VC)
- Kwizera Eric (Police VC)
- Munyinya Mugisha (Kirehe VC)
Middle Blockers:
- Twagirayezu Emmy (REG VC)
- Kanamugire Prince (APR VC)
- Nkurunziza John (Kepler VC)
- Shyaka Frank (Police VC)
- Rwanyonga Alex (Police VC)
Opposites:
- Dusenge Wicklif (Kepler VC)
- Gatsinzi Venuste (Gisagara VC)
- Ntawiha Kenny (APR VC)
Liberos:
- Rwigema Simon (REG VC)
- Irakoze Alain (Police VC)
- Mugisha Jean Santere (REG VC)
Ku ruhande rw’abatoza, Frédéric Guérin yungirijwe na Musoni Fred na Ntawangundi Dominique, mu gihe Sibomana Placide ari we kongerera abakinnyi imbaraga.
