Kuva ejo kuwa kabiri tariki 20 Kanama 2024, Ingabo z’uRwanda zibungabunga amahoro n’umutekano mu ntara ya Cabo Delgado muri Mozambique zifite umuyobozi mushya, ariwe Maj Gen Emmy Ruvusha.
Gen Ruvusha yari asanzwe ayobora ingabo zo muri diviziyo ya mbere, ikorera mu Mujyi wa Kigali no mu Ntara y’Uburasirazuba.
Asimbuye muri Mozambique Maj Gen Alex Kagame, wari uriyo kuva muri Kamana umwaka ushize, nawe akaba yarasimbuye kuri uwo mwanya Maj Gen Eugène Nkubito.
Abasirikari n’abapolisi b’uRwanda bari muri Mozambique kuva muri Nyakanga 2021, aho zoherejwe ku bufatanye n’ibihugu byombi, mu butumwa bwo guhashya ibyihebe byari byarigaruriye uduce twinshi muri iyo ntara ya Cabo Delgado.
Kuva bagerayo abaturage bo muri Cabo Delgado babashimira ubutwari, ubuhanga, urugwiro n’ubunyamwuga muri riusange, byatumye batsinsira ibyo byihebe byari byarabajujubije, ndetse bakava mu byabo.
Magingo aya hafi ya bose bamaze gusubira mu ngo zabo, ndetse n’ibikorwa byose nk’amashuri, amavuriro, amasoko n’ibindi, birasubukurwa.
