Mutangana Jean Bosco wari Umushinjacyaha Mukuru wa Repubulika y’u Rwanda kuva kuwa 9 Ukuboza 2016, ntakiri kuri uwo mwanya, akaba yasimbuwe na Havugiyaremye Aimable wari usanzwe ayobora Komisiyo y’u Rwanda Ishinzwe Ivugururwa ry’Amategeko (Rwanda Law Reform Commission).
Izi mpinduka zakozwe biturutse ku cyemezo cy’Inama y’Abaminisitiri yateranye ku wa kane tariki ya 28 Ugushyingo 2019.
Iyo nama y’Abaminisitiri yagize Madamu Habyarimana Angelique Umushinjacyaha Mukuru Wungirije; naho Nkurunziza Valens aba Visi Perezida w’Urukiko Rukuru rw’Ubucuruzi.
