Mu gihe habura amasaha make kugirango shampiyona y’umukino w’intoki wa Basketball mu Rwanda itangire haba mu bagabo ndetse n’abagore mu byiciro bitandukanye, ikipe ya APR WBBC yongereye amasezerano abakinnyi bayo batandatu.
Nkuko bigaragara ku rubuga rw’iyi kipe rwa Twitter, batangaje ko abakinnyi bari basanganywe bazakomezanya nabo mu gihe cy’umwaka umwe uri imbere.
Muri abo bakinnyi bahawe amasezerano y’umwaka umwe ni Imanizabayo Marie Laurence bakunze kwita Zede ndetse na Nsanzabaganwa Nelly Sandra.
Abandi basanzwe muri iyi kipe bongerewe amasezerano ni Umugwaneza Charlotte, Umuhoza Odette Jordan, Uwizeye Assouma na Mugisha Uwera Bégnine.
Ikipe y’abagore ya APR BBC irimo kwitegura shampiyona 2023 izatangira kuri uyu wa gatandatu aho izatangira ikina n’ikipe ya UR Busogo bakaba bazakinira mu ishuri rya Kepler guhera saa munani z’amanywa.
