Nyuma y’impuha nyinshi n’amakuru yagiye acicikana ku mbuga za Internet avugwa ku rusengero zion Temple no kumukuru warwo Dr. Paul Gitwaza noneho haje andi makuru yageze ku kinyamakuru Umuryango avuga ko bamwe mu bayobozi bo hejuru baba binubira bikomeye imiyoborere y’Umuyobozi Mukuru wabo Apotre Gitwaza ndetse bakaba bari kwisuganya banashaka inzira yaba iboneye yo kumukura ku buyobozi bwa Zion Temple we ngo avuga ko ari iye bwite.
Aya makuru ariko abashumba ba Zion Temple bayamaganiye kure mu itangazo rigenewe abanyamakuru basohoye ku munsi w’ejo kuwa gatanu tariki ya 8 Mutarama 2016.
N’ubwo hari aya makuru avuga gutya ariko, Nzabakira Floribert, Umuvugizi w’Itorero Zion Temple yatangarije Umuryango ko nta kibazo na kimwe kiri mu itorero kandi ko imikorere y’abo atari nk’iya amadini mato agitangira.
Yagize ati:” nta bibazo bihari, ikipe iracyari Soude (iracyari hamwe), yaba ba Bishop bafasha Apotre kuyobora itorero, yaba Apotre we ubwe bose nta kibazo bafite(…)umutungo wa Zion ucunzwe bitandukanye n’amadini agitangira”.
Ibyo aribyo byose ngo ntakabura imvano reka tubitege amaso
Cyiza Davidson
