Umunsi nk’uyu mu 1994 ubwicanyi bwakomeje gufata umurego mu zahoze ari Perefegitura za Gitarama, Butare ndetse n’ahandi mu gihigu.
Icyo gihe Abatutsi bari bahungiye mu kigo cya ISAR Rubona muri Komini Rusatira ubu ni mu Karere ka Huye barishwe bose.
Mu yahoze ari Komini Tambwe, Abatutsi bari bahungiye i Nyamagana muri pinusi, ubu ni mu Murenge wa Ruhango mu Karere ka Ruhango nabo barishwe bose.
Kuva tariki ya 26-28 Mata 1994, Abatutsi bo muri Kibingo, ubu ni mu Murenge wa Ruhango, mu Karere ka Ruhango, barishwe, bakajugunywa mu cyobo bitaga kwa Agatha.
Abari bahungiye kuri Foyer, muri Centre ya Gati ubu ni mu Murenge wa Muyira mu Karere ka Nyanza nabo barishwe bose;
Muri Perefegitura ya Kibuye, Abayobozi muri leta batanze imbunda kandi bashishikariza abaturage b’abasivili kwitabira kwica Abatutsi muri Kibuye. Icyo gihe ibihumbi by’Abatutsi byari byahungiye ku musozi wa Gitwa bishwe n’abaturage b’abahutu.
