Abayoboke b’ishyaka CNDD FDD riri ku butegetsi mu Burundi ubwo batahaga mu ijoro ryo ku wa Gatanu tariki ya 17 Kanama 2018, batewe gerenade n’abantu bataramenyekana.
Amakuru aturuka mu gihugu cy’u Burundi avuga ko ari abagabo babiri basanzwe bazwi nk’abarwanashyaka b’ishyaka CNDD FDD, bakaba baratewe gerenade bataha nijoro bavuye mu kabari.
Ikinyamakuru UBM News gitangaza ko aba bagabo Kenguza Ernest na Ngabo Leonce batewe gerenade bageze ku musozi wa Nyakazi muri Kibago, Intara ya Makamba , ubwo batahaga nijoro bavuye mu kabari.
Bayitewe ubwo bari muri metero 100 ngo bagere mu ngo batahagamo ahagana saa tatu z’ijoro (21:00), abihishe inyuma y’ubwo bugizi bwa nabi bakaba bataramenyekana.
Mu gihe polisi y’u Burundi itangaza ko yatangiye gukora iperereza, aba bagabo bahise bajyanwa kuvurirwa mu bitaro bikuru by’i Makamba.
![Yatawe muri yombi aje gusomera discours ya Juvenal Habyarimana [ Revolution ya MRND ] mu muhango wo kwibuka](https://rushyashya.net/wp-content/uploads/2019/04/habyarimana_juvenal_17_0001_jpg_640_350_1-360x240.jpeg "Yatawe muri yombi aje gusomera discours ya Juvenal Habyarimana [ Revolution ya MRND ] mu muhango wo kwibuka")
