Mu ijoro ryo kuri uyu wa Gatatu, tariki ya 4 Nzeri 2024 nibwo muri Petit Stade habereye imikino ya Bet Pawa Playoffs mu bagabo, ni imikino yitabiriwe na Minisitiri was Siporo, Nyirishema Richard.
Minisitiri Nyirishema ari kumwe n’umuyobozi wa NBA Africa, Clare Akamanzi ndetse n’umuyobozi w’ishyirahamwe ry’umukino wa Basketball mu Rwanda, Mugwiza Desire.
Imikino yaraye ikinwe ni uwahuje ikipe ta Patriots BBC yatsinze Kepler BBC, ihita yuzuza imikino itatu yasabwaga ngo igere ku mukino wa nyuma.
Ku mugoroba Patriots yatsinze amanota 89-66, ni nyuma yaho ku mukino yatsinze amanota 83-71, ku mukino wa kabiri Patriots yatsinze Kepler amanota 107- 68.
Ikipe ya APR BBC yaraye itsinze REG BBC amanota manota 66-61, uyu mukino wabanjirijwe n’uwambere warangiye APR BBC itsinda REG BBC amanota 92-91, mu mukino wa kabiri, APR BBC yatsinze amanota 65-60.
Gutsinda umukino wa Gatatu kuri buri kipe byatumye ayabonye intsinzi agera ku mukino wa Nyuma, ayo ni Patriots BBC na APR BBC.
Aya makipe nayo azakina imikino itanu hakazarebwa ikipe yatsinze imikino itatu mbere y’iyindi, ni imikino izatangira gukinwa tariki ya 11 Nzeri 2024.
