Minisiteri y’Ubuzima iratangaza ko kuri uyu wa Kane tariki 09 Mata 2020 hagaragaye abandi bantu batatu barwaye Coronavirus mu bipimo 720 byafashwe mu masaha 24 ashize.
Ibi byatumye umubare w’abarwaye Coronavirus mu Rwanda ugera kuri 113 (muri aba 7 barakize).
Itangazo rya Minisiteri y’Ubuzima riravuga ko babiri muri abo batatu, baherutse kugirira ingendo mu bihugu byo mu karere, bahita bashyirwa mu kato bakigera mu Rwanda. Undi muntu umwe, ngo byamenyekanye ko yahuye n’undi urwaye Coronavirus mu Rwanda.
