Uwahoze akinira ikipe ya Manchester United wanayigiriyemo ibihe byiza, Paul Scholes, yavuze ko yatunguwe no kubona umutoza Jose Mourinho ageze uyu munsi atarirukanwa ndetse ko akomeje gusebya ikipe ya Manchester United kubera amagambo akomeje gutangaza.
Mu ijoro ryakeye, uyu mugabo usigaye akora ubusesenguzi kuri televiziyo ya BT,yavuze ko atungurwa cyane no kuba ubuyobozi bwa Manchester United butarafata umwanzuro wo kwirukana umutoza Jose Mourinho ndetse amushinja gusebya bikomeye iyi kipe kubera amagambo akomeje gutangaza.
Yagize ati “Ntunguwe cyane no kuba Jose Mourinho atarirukanwa nyuma y’umukino mubi cyane yakinnye ku wa Gatandatu na Westham.Yashwanye n’abakinnyi n’abayobozi be avuga ko batamuha ibyo akeneye.Ntekereza ko umunwa we wamunaniye ndetse ari gusebya cyane ikipe.
Scholes yasabye ubuyobozi bwa Manchester United kwirukana vuba na bwangu uyu mutoza kugira ngo ikipe isubire ku murongo,ibintu yumvikanaho na Rio Ferdinand nawe wavuze ko umwuka atari mwiza mu ikipe ndetse ubuyobozi bugomba kugira icyo bukora kugira ngo ikipe itsinde.
Manchester United yaraye inganyije na Valencia 0-0 mu mukino wa kabiri wo mu itsinda H,mu mikino ya UEFA Champions League.
Scholes yavuze ko Mourinho ufite umunwa wamunaniye akwiriye kwirukanwa vuba
![Amavubi yatsinzwe umukino wa kabiri muri Cecafa [ Amafoto ]](https://rushyashya.net/wp-content/uploads/2017/12/ikipe-360x240.jpg "Amavubi yatsinzwe umukino wa kabiri muri Cecafa [ Amafoto ]")
