Kuri uyu wa Gatanu nibwo hakinwe imikino y’umunsi wa Kabiri wa Rwanda Premier League, ni umunsi watangijwe na Gasogi United yabonye amanota atatu itsinze Marine FC ni mu gine ikipe ya Rayon Sports yo inganyije n’Amagaju.
lyi mikino yose yabereye kuri Kigali Pele Stadium, umukino wa mbere wakinwe ku isaha ya Saa 12h30 ano kuba ku isaha ya saa cyenda, wakurikiwe na Rayon Sports yo yagombaga gukina ku isaha ya saa kumi n’ebyiri ariko uyu mukino uza kwimurwa kubera ibura rya Moteri ishobora gucanira iyi Sitade.
Ikipe ya Gasogi United ikomeje kwitwara neza itsinda imikino yayo, ni nyuma yano ku munsi wa mbere yari yatsinze ikipe ya Mukura Victory Sports, kuri uyu wa Gatanu ikaba yongeye gutsinda ikipe ya Marines FC, igitego kimwe ku busa cyatsinzwe na Malipangu Christian kuri Penaliti.
Nyuma y’uyu mukino nibwo uwari utegerejwe na benshi warangiye ikipe ya Rayon Sports yanganyije n’Amagaju ibitego 2-2 bituma yuzuza amanota 2 mu mikino ibiri imaze gukina.
Rayon Sports yatsindiwe na Nsabimana Aimable na Adama Bagayogo, ku ruhande rw’Amagaju yo yatsindiwe na Rachid Mapoli na Iragire Saidi.
Imikino ya shampiyona irakomeza kuri uyu wa Gatandatu, ikipe ya Mukura VS irakina na Etincelles naho Rutsiro FC ize kwakira ikipe ya Vision FC.
