Umushakashatsi kuri Jenoside Bwana Tom Ndahiro ubwo yatangaga ikiganiro ku Intsinzi TV, yongeye kugaragara agaya anenga cyane ibitangazamakuru bifite umurongo wa Youtube bikoresha abakora ibiganiro bipfobya Jenoside we akabifata nk’ibiganiro bicuruza urupfu kuko bishyiraho ibiganiro bipfobya Jenoside yakorewe abatutsi biba byakozwe n’impirimbanyi z’ibibi nka Hakizimana Rashid na Ingabire Victoire aho babinyuza kuri Shene nk’Umubavu, Ishema TV ya Dieudonne wiyita Cyuma Hassan ndetse na Umurabyo TV ya Agnes Nkusi Uwimana
Tom Ndahiro abona icyaha cyo gupfobya Jenoside yakorewe abatutsi ubutabera burushaho kubirebera ariko ababikora barushaho kuzamura ubukana kandi bagaragara bashyigikiye Iterabwoba akenshi agahuza Ingabire Victoire na Rashid ko batandukaniye ku idini naho ubundi baririmba muri Chorale imwe, Tom ati “RTLM na Kangura zaracecetse havuga BBC,VOA ndetse n’Imiyoboro ya Youtube
Ibi Tom Abivuga kubera ko haje Minisiteri nshya y’Ubumwe bw’Abanyarwanda n’Inshingano Mboneragihugu yibasirwa na Ingabire Victoire idasizwe na Rashid Hakizimana wiyemerera ko ibyaha byo gupfobya Jenoside no gushyigikira imitwe y’iterabwoba yabikoze abyemera nta gahato mu itangazamakuru ariko akabyemera no muri RIB, niba nyiri ubwite abyiyemerera ko yakoze amakosa akomeye arimo ibinyoma no gutukana kuki bidakurwa kuri iyo miyoboro, Tom abifata nko kubeshya abanyarwanda no gutukana, akagaragaza ko ari ukwihanganira urupfu,bimeze nko kunywa uburozi ubizi ugategereza gupfa kandi utiyahuye
Agasaba abanyarwanda kubyanga bakareka gushyigikira amafuti n’ikibi ahubwo bakazamura ijwi bakabirwanya kuko iyo uhaye agaciro Ingabire uba wiyambuye agaciro kuko uba wisebya kuko nta mwanya afite muri iki gihugu mu gihe atarapfukama ngo asabe imbabazi abanyarwanda kuko yayoboye umurango w’abajenosideri nka RDR, FDUInkingi ni indiri y’abajenosideri kuko ari ihuriro rikomoka kuri RDR y’abasize bahekuye u Rwanda. Kuba ubuyobozi bugiye mu maboko ya mwene Dominique Ntawukuriryayo ni ikindi kimenyetso.
Kuba Placide Kayumba ugiye kuyobora FDU Inkingi ahawe umurage mubi kuko aje asanga Gaspard Musabyimana, Bahunga Justin Ndereyehe Karoli, Justin Bukeye n’abandi ahubwo Jambo asbl yatanze umugeni, abantu iyo batekereza FDU Inkingi ntibibaza ko irimo na RDR
RDR yashinzwe tariki ya 3 Mata 1995 ishingirwa muri Zaire, abawushinze bashingiye kuri Document z’ibanze za FDRL ishingwa na Augustin Bizimungu, Kabirigi Garacien, Nzabahimana François,Renzaho Tharcisse isinywaho na Aloys Nabakuze na Ndereyehe Karoli w’Interahamwe yatemesheje ibitekerezo,BAGOSORA Theoneste,Nahimana Ferdinand, Jean Bosco Barayagwiza na Semanza Laurent wari Burugumestre wa Bicumbi nawe yari muri RDR bakagira Umuvugizi witwa Bukeye Joseph wiyitaga Chris Nzabandora abo bose bari mubashinze RTLM barangije bizera Ingabire Victoire bamuha kuyobora RDR kandi bizwi ko na FDU Inkingi yari ifite ibiro mu Buholandi kwa Ingabire Victoire
Kubona rero Placide Kayumba ari muri FDU Inkingi bifatwa nk’Umurage mubi yarazwe n’ababyeyi be bamuzanye nk’amaraso mashya kugirango yongeremo amakara mu gishyito bakomeze benyegeze, Kurwanya ikibi ni inshingano ya buri munyarwanda iyo utakirwanyije kirakugaruka, guhishira abantu bashyigikira ba nyiri iyi miyoboro ni bibi,ni bande? Ni abagome bakwiye kurwanywa
Leta irasabwa kubwira umurongo wa Youtube ko wabaye umuyoboro nka RTLM, Kangura,Kamarampaka,Zirikana,Umurwanashyaka n’Ibindi nka Rashid ugereranya Cecile Kayirebwa na Bikindi Simon cyangwa akagereranya Impamvu FPR yabohoye igihugu na FLN ikora ibikorwa by’Iterabwoba, Urugamba ntirurashira buri Munyarwanda akwiye gushyira mu gaciro ntatebe ndetse ntasinzire.
