Isiganwa rizenguruka igihugu, Tour du Rwanda 2019, risojwe kuri iki cyumweru, umunya – Eritrea, Merhawi Kudus, ari we uryegukanye.
Merhawi Kudus yambaye umwenda w’umuhondo (Maillot Jaune) ku gace ka kabiri kavaga i Kigali kagana i Huye, aho yaje ku mwanya wa mbere yasize umukirikiye amasegonda abiri.
Ku munsi wa gatatu w’irushanwa, Merhawi Kudus yongeye kwegukana agace kavaga Huye berekeza Rubavu, ashyiramo ikinyuranyo cy’amasegonda 15 ku mukinnyi wari umukurikiye, anasiga uwari umunyarwanda waje imbere iminota 9 n’amasegonda 52.
Kuri iki CyumweruUmunya Colombia Rodrigo Contreras ukinira ikipe ya Astana yo mu gihugu cya Kazakistan ni we wegukanye agace ka munani ari na ko ka nyuma, aho yakoresheje isaha imwe, iminota 33 n’amasegonda 10.
Ku rutonde rusange, Merhawi Kudus asoje isiganwa ari ku mwanya aho muri Kilomtero 953,6 zakinwe muri iri siganwa, arisoje akoresheje amasaha 24, iminota 12 n’amasegonda 37.
Umunyarwanda uri imbere ku rutonde rusange, ni Areruya Jpseph waje ku mwanya wa cyenda, aho arushnwa iminota irindwi n’amasegonda 10 na Merhawi Kudus wa mbere
