Umurundi witwa Fatu Nonga Jocelyne w’imyaka 25 yirukanwe ku butaka bwa Amerika ashinjwa ubujura, bityo igipolisi cyaho kikaba cyamushyikirije icy’u Burundi ku gicamunsi cyo ku wa Kabiri tariki ya 17 Mata 2018.
Igipolisi cy’u Burundi gitangaza ko Fatu ashinjwa ubujura, igipolisi cya Amerika kikaba aricyo yamuzanye kugera ku kibuga cy’indege cya Bujumbura, kimushyira mu maboko y’u Burundi.
Mu gihe kitarenze ukwezi, Fatu yirukanwe ku butaka bwa Leta Zunze Ubumwe za Amerika ari umurundi wa kabiri, uheruka kwirukanwayo ni Clement Nkurunziza ubu ufungiye muri gereza ya Ngozi.
Clement ashinjwa kugira uruhare mu bwicanyi bwakorewe kuri kaminuza y’u Burundi mu mwaka wa 1995, agashinjwa kuba yari ayoboye abandi banyeshuri ubwo ubwicanyi bwabaga.
