Kuri uyu wa gatatu, tariki ya 30 Werurwe 2022 nibwo umutoza w’ikipe y’igihugu y’u Rwanda Amavubi, Carlos ALos Feller yari mu karere ka Rubavu mu ruzinduko rw’akazi aho yakurikiye umukino wahuje ikipe ya Etincelles na Rutsiro FC.
Ni umukino umutoza w’Amavubi yakurikiye warangiye Etincelles na Rutsiro FC banganyije igitego kimwe kuri kimwe, ibi byatumye Etincelles FC ikomeza mu kindi kiciro cya 1/8 ku giteranyo cy’ibitego 3-2.
Usibye uyu mukino wabereye kuri Sitade Umuganda, i Kigali i Nyamirambo ikipe ya Gasogi United yoyahatsindiye ikipe ya Heroes ibitego 3-1, ku ruhande rwa Gasogi yatsindiwe na Kabanda Serge watsinze ibitego 2 muri uyu mukino naho ikindi gitsindwa na Malipangu Christian.
Mu karere ka Rusizi ho ikipe ya Espoir yaraye isezerewe na La Jeunesse yo mu kiciro cya kabiri, ni nyuma yaho amakipe yombi yaganyije igitego kimwe kuri kimwe gusa i Kigali Espoir FC yari yatsinzwe ibitego 3-2.
Uko imikino yakinwe ku munsi w’ejo yagenze:
*Bugesera FC 3-0 UR (9-0)
Espoir FC 1-1 la Jeunesse*(3-4)
*Gasogi United 3-1 Heroes FC (5-2)
*Etincelles FC 1-1 Rutsiro FC (3-2)
Uko imikino ikinwa uyu munsi:
Gicumbi FC vs Gorilla FC
Etoile de l’Est vs Interforce FC
Intare FC vs Musanze FC
Amagaju FC vs Impeesa FC
