Ku mugoroba wo kuri uyu wa Gatatu tariki ya 15 Nzeri 2022, nibwo hahamagawe urutonde rw’abakinnyi b’ikipe y’igihugu Amavubi batarengeje imyaka 23 bitegura gukina umukino n’ikipe y’igihugu ya Libya mu gushaka itike y’igikombe cya Afurika.
Nk’uko bigaragara ku rutonde ishyirahamwe ry’umupira w’amaguru mu Rwanda FERWAFA ryashyize hanze, iyi kipe igomba gutozwa na Yves Rwasamanzi nk’umutoza mukuru wa Marines FC ndetse akaba yungirijwe na Gatera Moussa usanzwe muri Gorilla FC.
Ikipe y’u Rwanda Amavubi U23, akaba arimo kwitegura gukina umukino ubanza wo gushaka itike y’igikombe cya Afurika aho bazakina na Libye mu mukino uzakinwa tariki ya 22 Nzeri 2022 bakazakinira kuri Sitade ya Martyrs of Benina Stadium iherereye i Benghazi.
Umukino wo kwishyura ukazabera kuri Sitade mpuzamahanga ya Huye mu ntara y’amajyepfo, umukino uzakinwa tariki ya 27 Nzeri 2022.
Urutonde rw’abakinnyi bahamagawe ndetse n’abazaba bayiyoboye:
Biteganyijwe ko aba bakinnyi batangira umwiherero kuri uyu wa kane hitegurwa imikino ya nyuma y’igikombe cya Afurika bari munsi y’imyaka 23 izaba umwaka utaha ikazabera mu gihugu cya Morocco mu kwezi kwa Kamena 2023.
