Ishyamba si ryeru muri New RNC : Bamwe mu baherutse gutorwa bitandukanyije n’iri shyaka

Bamwe mu baherutse gutorwa muri RNC baratangaza ko bitandukanyije n’iri shyaka Rya Rudasingwa, Jonathan Musonera na Ngarambe bavuga ko bashyizwe muri iyi myanya hakozwe uburiganya mu matora kandi ko batemera ibyakozwe byose.

Abatowe mu myanya y’ubuyobozi bw’iri shyaka ryitandukanyije na RNC ubu riyoborwa na Dr Theogene Rudasingwa bavuga ko ubwo iri shyaka ryari mu matora bisanzwe bashyizwe ku rutonde rw’ubuyobozi bw’iri shyaka kandi batari muri ayo matora, ibyo bise « Balinga ».

Bibaza uburyo batowe kandi batarigeze biyamamaza kuko batari bahari kandi ntawe bahaye uburenganzira bwo kubamamaza ngo batorwe.

Bemeza kandi ko batari abayoboke b’iri shyaka ryataye umurongo kuburyo ngo ntanuwigeze asaba kurijyamo.

Umwe muri aba bayoboke witwa Ruzindana Eric yabwiye Rushyashya ko we abonye amazina ye yagiye ahagaragara yifashe ku gahanga agaya Dr Rudasingwa Theogene na Ngarambe avuga ko bamusagariye ubwo bamushyiraga ku mwanya w’ububanyi n’amahanga adahari. Ko kandi ashobora kwitabaza inkiko nibiba ngombwa.

Ruzindana Eric ati “ Nyuma yo gutungurwa no kubona inkuru mu binyamakuru bitandukanye namaganye nivuye inyuma ayo makuru aho iyo nama yabereye cyangwa se ayo matora (nomination) sinigeze mpagera akaba ariyo mpamvu mbyamaganiye kure sindi umuyoboke wa New RNC yaranyiyitiriye.

Kugeza ubu mu myanya 14 yatowe imyanya 8 ba nyirayo bavuga ko bashyizweho batabizi kuko batari bari muri iyo nama, kandi bakaba bataratanze kandidatire cyangwa ngo batange uburenganzira bwo gutorerwa. Muri aba 8 batandatu muribo ngo si abayoboke ba New RNC.

Ngabo abagize New-RNC

Umwanditsi wacu