Umubonano wa Kayumba na Nkurunziza i Ngozi uhatse iki ?

Amakuru ikinyamakuru rushyashya gikura mu ba maneko ba Perezida Nkurunziza aravuga ko mu ibanga rikomeye muri iyi weckend mu ngoro y’umukuru w’igihugu I Ngozi habereye umubonano w’ibanga hagati ya Perezida Nkurunziza n’ umwe mu barwanya ubutegetsi bwa leta y’u Rwanda bikekwa ko ari Gen. Kayumba Nyamwasa.

Mugihe abarundi bose bari barangariye muri Congre y’ishyaka CNDD-FDD, i Ngozi umutekano wari wakajijwe bikomeye ngo uyu mubonano wamaze akanya gato cyane uwo mu Generali wari waje aturutse inzira y’ubwato iva kucyambu cya Zambia yaherekejwe n’imodoka zirinda umukuru w’igihugu Petero Nkurunziza. Aha i Ngozi na Gitega niho umukuru w’igihugu Petero Nkurunziza akunze kuba ari kuva iyi midugararo mu Burundi ya kwaduka mu kwezi kwa kane 2015.

Hari amakuru avuga ko kugeza ubu ubutegetsi mu Burundi bukomeje kubura ayo bucira n’ayo bumira aho noneho ubona bufata ibyemezo bitarimo ubwenge bwashobora kubufasha.

Petero Nkurunziza

Umunsi umwe yuko ubutegetsi mu Burundi bwikura mu nama ya AU bwari bwatangaje igisa nk’intambara. Umugaba mukuru w’ingabo z’icyo gihugu, Gen. Prime Niyongabo, yasohoye itangazo rihamagarira abasirikare bose bari muri konji guhita bagaruka ku kazi bitarenze tariki 17 z’uku kwezi anavuga yuko nta wundi musirikare wemerewe kujya muri konji guhera kuri uwo munsi yasohoreyo iryo tangazo.

Itangazo nk’iryo riba risobanuye yuko igihugu kiba kiteguye yuko cyaterwa cyangwa cyatera. Ntagushidikanya uwo u Burundi bwaba bwiteguye kurwana nawe uretse u Rwanda, ari narwo bufata nk’umwanzi warwo, ariko ibimenyetso byose dufite gigaragaza yuko u Rwanda nta gahunda rufite yo kuba rwarwana n’u Burundi.

Gen. Kayumba na Nkurunziza barapanga iki ?

Cyiza Davidson