Niyitegeka Augustin wahoze ari umunyamabanga mukuru w’ishyaka PS Imberakuri aratangaza ko yabonye PS Imberakuri ari ishyaka ridashobotse ahitamo kurisezeramo ubu yayobotse Umuryango RPF Inkotanyi. Uyu mugabo akaba yashyize hanze itangazo rigaragaza impamvu yavuye muri PS Imberakuri n’icyo yakurikiye muri RPF Inkotanyi.
Iri tangazo rigenewe itangazamakuru yagaragaje ingingo 4 z’ingenzi zituma ari muri RPF Inkotanyi n’izatumye ava muri PS Imberakuri.
Mu ngingo ya kabiri asaba abanyarwanda kwima amatwi imitwe ya politiki n’abanyapolitiki barangwa n’amacakubiri . Muri aya mashyaka n’abanyamashyaka avugwa ishyaka PS Imberakuri na bamwe mu bayobozi bayo baranzwe no kwimakaza amacakubiri.
Niyitegeka Augustin na Me Ntaganda Bernard
Muri iyi ngingo avugamo uburyo amacakubiri yari mu ishyaka yatumye Col Karemera abahuza agamije kubunga. Ngo Mukabunani Christine na Maitre Bernard Ntaganda baratsinzwe barihanangirizwa ariko ntibahinduka ikaba ariyo mpamvu yatumye yiyemeza kubasenya burundu
