Umunyapolitiki utavuga rumwe n’ubutegetsi muri Uganda, Kizza Besigye, yatawe muri yombi mu gitondo cyo kuri uyu wa 23 Kanama 2018.
Uyu mugabo yafashwe ubwo yari avuye mu mu rugo rwe ruri ahitwa i Kasangati.
Kizza Besigye yafashwe na Polisi ihita imushyira mu modoka ajyanwa gufungirwa kuri Sitasiyo ya Naggalama.
NTV Uganda yatangaje iyi nkuru ibinyujije ku rukuta rwayo rwa Twitter ntabwo yashyize hanze impamvu uyu mugabo yatawe muri yombi.
Urugo rwe rwazindutse rugoswe n’abashinzwe umutekano muri Uganda.
