Ikipe y’igihugu y’umupira w’amaguru mu Rwanda Amavubi, igeze ku cyiciro cyanyuma cy’imyitozo yitegura umukino wo kwishyura izahuriramo na Ethiopie kuri iki cyumweru tariki ya 12 Nzeri 2017, hashakishwa itike yo kujya mu gikombe cya Afurika cy’abakinnyi bakina imbere mu gihugu.
Abakinnyi 24 ni bo bakoze imyitozo inshuro ebyiri kuri uyu wa gatatu bitegura Walya Anteloppe ya Ethiopie na n’ubu bitari byamenyekana igihe izagerera i Kigali.
Mu bakinnyi bari gukora imyitozo, harimo Imanishimwe Emmanuel wafashe umwanya wa Bizimana Djihad utazakina umukino wo kwishyura, gusa uyu myugariro wa APR FC akaba atari yagera ku rwego rwo gukora imyitozo yose bagenzi be bakora kubera ko ari bwo agikira imvune yagiriye ku munsi wa kabiri wa shampiyona.
Imyitozo yo kuri uyu wa gatatu, yari yo yanyuma Amavubi akora kabiri ku munsi, dore ko kuva kuri uyu wa kane kugeza kuwa gatandatu, ikipe y’igihugu izajya ikora imyitozo ku mugoroba gusa.
Ikipe y’igihugu ” Amavubi “
