Umusirikare umwe wa Leta Zunze Ubumwe za Amerika yishwe ku wa Kane tariki ya 4 Ukwakira 2018, n’umutwe w’inyeshyamba za Abatalibani, bityo Amarika ikaba itangaza ko igiye gukurayo abasirikare bayo.
Ubuyobozi mu gisirikare cya Amerika, butangaza ko buzagira byinshi butangaza ku rupfu rw’uyu musirikare birinze no gutangaza amazina, mu gihe buzaba bwarangije kugira icyo buganira n’umuryango we.
Nk’uko VOA ibitangaza, ngo abarwanyi ba Talibani bigambye kugaba igitero ku basirikare ba Amerika, aho ngo bateze bombe ku modoka ya gisirikare mu karere ka Garmsir intara ya Helmand.
Minisiteri y’ingabo muri USA, yatangaje ko Amerika ifite abasirikare bagera ku bihumbi 14 muri Afghanistani, bityo urupfu rw’uyu musirikare rukaba rwabaye urw’umusirikare wa karindwi Amerika imaze kuburira muri iki gihugu kuva uyu mwaka watangira abandi 76 barakomereka.
