Shampiyona y’ u Rwanda mu kiciro cya mbere yakomezaga ku munsi wa 22 wayo, mu mikino yabaye yasize ikipe ya Rayon Sports itsinzwe na Mukura VS naho APR FC itsinda Vision ikuraho amanota atatu muri ane yarushwaga na Gikundiro.
Ibyo gutakaza amanota atatu kwa Rayon Sports byabaye mu mukino wakiniwe kuri Sitade Amahoro kuri uyu wa Gatandatu ubwo yatsinzwe na Mukura VS igitego kimwe ku busa.
Ni igitego cyatsinzwe na Samson Oladosu ku munota wa 75 w’umukino cyatumye Gikundiro itsindirwa umukino wa mbere muri Sitade AMahoro mu mikino 5 yaherukaga kuhakinira.
Uku gutsindwa kandi kwatumye ikinyuranyo cyayo na APR FC kiva ku manora ane yari ifitemo kigera ku inota rimwe nyuma yaho ikipe y’ingabo z’igihugu itsinze Vision ibitego 2-1.
Ni mu mukino waraye ubereye kuri Kigali Pele Stadium warangiye APR FC itsindiwe na Djibril Ouatara na Mamadou Sy, bityo iyi kipe igaruka neza mu guhatanira igikombe cya shampiyona ya 2024-2025.
Kuri ubu Rayon Sports iyoboye urutonde n’amanota 47 igakurikirwa na APR FC irushwa inota rimwe, kugeza ubu yo ifite amanota 46 mu mikino 22 ya Rwanda Premier league imaze gukinwa.
Mu wundi mukino wabaye ugasiga impinduka ni uwahuje Kiyovu SC yatsinze Police FC igitego kimwe ku busa, byatumye ifata umwanya wa 15.
Uko imikino y’umunsi wa 22 wagenze muri RPL:
Urutonde rw’uko amakipe akurikirana:
Abamaze gutsinda ibitego byinshi:
