Myugariro w’umunyarwanda, Imanishimwe Emmanuel uzwi nka Mangwende agiye kumara hanze y’ikibuga amezi 5 adakina kubera imvune.
Iyi mvune ya Mangwende yabaye mu mukino aheruka gukina mu kwezi k’Ukuboza 2024, ubwo bakinaga na Omnia 29 Maiou.
Nyuma yaho uyu mukinnyi yakorewe ibizamini bigaragaza ko akwiye kubagwa ndetse birakorwa, ubu akaba agomba kumara hanze y’ikibuga amezi 5.
Mangwende ukina ku ruhande rw’i Bumoso yugarira kuri ubu ikipe ye ya AEL Limasol yo muri Chypre iri ku mwanya wa 9 n’amanota 20 mu mikino 18 imaze gukinwa.
Mu butumwa byanyujijwe ku mbuga nkoranyambaga z’ikipe ya AEL Limasol, bwifutirije gukira vuba myugariro w’Amavubi Mangwende.
Imanishimwe Emmanuel uzwi nka Mangwende yageze mu ikipe ya AEL Limassor mu mpeshyi z’umwaka wa 2024 avuye muri AS FAR yo muri Morocco.
