• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Perezida Paul Kagame yakurikiwe umukino ikipe y’igihugu ya Mali yatsindiyemo u Rwanda ibona itike ya CAN 2027   |   18 Nov 2026

  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

 
You are at :Home»IMIKINO»Champions League: Real Madrid yageze ku mukino wa nyuma, Zidane yandika amateka (Amafoto)

Champions League: Real Madrid yageze ku mukino wa nyuma, Zidane yandika amateka (Amafoto)

Ubwanditsi 02 May 2018 IMIKINO

Real Madrid yasezereye Bayern Munich muri 1/2 cya UEFA Champions League ku giteranyo cy’ibitego bine kuri bitatu mu mikino yombi, Zinedine Zidane aba umutoza wa mbere ugejeje ikipe ku mukino wa nyuma inshuro eshatu zikurikiranya muri iri rushanwa kuva mu 1998.

Bayern Munich yari yatsindiwe iwayo ibitego 2-1 mu mukino ubanza wabereye mu Budage kuri Allianz Arena, kuri uyu wa Kabiri mu wo kwishyura yaje yariye karungu ifungura amazamu ku munota wa gatatu ku gitego cyatsinzwe na Joshua Kimmich.

Real Madrid yakiniraga inyuma ariko igacungira ku mipira yo ku mpande yihuta cyane yaje kubona igitego cyo kwishyura ku munota wa 11 gitsinzwe na Karim Benzema ku mupira yari ahawe na Marcelo Vieira da Silva Júnior.

Kwishyura kwa Real Madrid byongereye imbaraga Bayern Munich yotsa igitutu izamu rya Keylor Navas nawe akuramo imipira myinshi yari yabazwe, afasha ikipe ye gukomeza kugira icyizere.

Rutahizamu Benzema ubusanzwe utagirirwa icyizere na benshi mu bafana ba Real Madrid, yaje kongera gushimangira ko ijoro ari irye ku munota wa 46, amakipe yombi akiva mu karuhuko atsinda igitego cya kabiri cya Real Madrid ku makosa y’umunyezamu Sven Ulreich wananiwe kugarura umupira yari ahawe na mugenzi we ukisangira Benzema nawe agahita awuboneza iy’urushundura.

Benzema yabaye umucunguzi wa Madrid

Ibitego Benzema yatsinze byamufashije kuzuza 54, bimugira umukinnyi wa gatanu utsinze byinshi mu mateka ya Champions League nyuma ya Cristiano Ronaldo ufite120, Lionel Messi 100, Raúl González 71 na Ruud Van Nistelrooy 56.

Bayern Munich nayo yaje kugarura icyizere ku munota wa 63 nyuma yo kwishyura igitego cyatsinzwe na James Rodriguez, aho byayisabaga ikindi kimwe igahita ikomeza kubera ibitego byinshi byo hanze.

Yakomeje no gukina neza, igera imbere y’izamu rya Real Madrid kenshi kuko yateyemo amashoti umunani kuri atatu gusa ya mukeba, ndetse iniharira umupira ku kigereranyo cya 69% mu gihe ikipe yakiniraga imbere y’abafana yari ifite 31%.

Jupp Heynckes utoza Bayern Munich na Zidane wa Real Madrid bakoze impinduka ariko biranga iminota 90 irangira ari 2-2, muri rusange biba 4-3 mu mikino yombi.

Umufaransa Zinedine Zidane utoza Real Madrid yahise yandika amateka yo kuba uwa mbere ugeze ku mikino ya nyuma ya Champions League inshuro eshatu zikurikiranya kuva mu 1996 ubwo ako gahigo kari kashyizweho na Marcello Lippi.

Kugera ku mukino wa nyuma inshuro eshatu si ubwa mbere Real Madrid ibikoze. Iyi kipe y’Ibwami yageze ku mukino wa nyuma inatwara ibikombe byo ku Mugabane w’u Burayi inshuro eshanu zikurikiranya kuva mu 1956 kugeza mu 1960 mu gihe Benfica yabikoze inshuro eshatu itwara ibikombe bibiri hagati ya 1961 na 1963.

Ajax yatwaye ibikombe bitatu hagati ya 1971 na 1973, Bayern nayo yandika ayo mateka mu mwaka wa 1974 kugeza mu 1976. Abataliyani bayobowe na AC Milan yageze ku mukino wa nyuma inshuro eshatu, itakaza ebyiri kuva mu 1993 kugera mu 1995, bisubirwamo na Juventus hagati ya 1996 n’umwaka wa 1998, agahigo kari kamaze imyaka 20.

Real Madrid itegereje ikipe izarokoka hagati ya Liverpool ihagarariye u Bwongereza yatsinze AS Roma yo mu Butaliyani ibitego 5-2 mu mukino ubanza, bikaba biteganyijwe ko uwo kwishyura uzaba kuri uyu wa Gatatu.

Real Madrid nitsinda umukino wa nyuma wa Champions League uzabera kuri Kiev Olympic Stadium muri Ukraine, ku wa 26 Gicurasi 2018, izaba itwaye igikombe cya kane cyo ku mugabane w’u Burayi mu myaka itanu; ibi birimo bitatu bya Zidane na bine bya Cristiano Ronaldo.

Iyi kipe yitwa “Los Blancos” irashaka igikombe cya gatatu cy’iri rushanwa cyikurikiranya nyuma yo kucyegukana mu 2016 itsinze Atletico Madrid ikabisubiramo mu 2017 inyagiye Juventus ibitego 4-1.

Joshua Kimmich niwe watsindiye Bayern igitego gifungura mu minota ya mbere y’umukino

Kimmich na Thomas Muller bishimira igitego cyabonetse ku munota wa gatatu

Benzema yafunguye amazamu ku gitego cy’umutwe nyuma y’umupira mwiza yahawe na Marcelo ku munota wa 11

Benzema anyeganyeza inshundura za Bayern Munich

Sven Ulreich urinda izamu rya Bayern Munich ntiyumvaga ibimubayeho

Benzema yatsinze ibitego bibiri

Benzema ukomoka mu Bufaransa yatsinze igitego cya kabiri nyuma yo kunyerera k’umunyezamu wa Bayern Munich

Luka Modric ahagurutsa abafana ba Real Madrid nyuma y’igitego cya kabiri

Umusifuzi Cuneyt Cakir aganira na Ramos utumvaga ikosa rihawe Bayern Munich

James Rodriguez (wambaye 11) yagoye ikipe ya Real Madrid yahozemo

Rutahizamu wa Bayern Munich, Lewandowski atera ishoti riremereye ryagaruwe na Kapiteni wa Real Madrid, Sergio Ramos

Robert Lewandowski wa Bayern Munich agerageza kwambura umupira ba myugariro ba Real Madrid, Sergio Ramos (ibumoso) na Raphael Varane

Rodriguez watijwe na Real Madrid muri Bayern Munich yatsinze igitego cya kabiri, amakipe anganya 2-2

Rodriguez ntiyishimiye cyane igitego yatsinze ikipe yahozemo

Benzema (wambaye umweru) ni umwe mu bakinnyi bitwaye neza

Cristiano Ronaldo ntiyagaragaye cyane muri uyu mukino

Karim Benzema yishimira igitego cya mbere yatsinze Bayern Munich

Rutahizamua Lewandowski nyuma y’umukino

Franck Ribery wa Bayern Munich yari yihebye nyuma yo gusezererwa

Franck Ribery yihanganisha David Alaba nyuma yo gusezererwa mu mikino ya Champions League

Abakinnyi ba Real Madrid bishimana na Benzema

2018-05-02
Ubwanditsi

IZINDI NKURU

Nyuma y’amezi 13 gusa, Umutoza w’umunyarwanda Andre Cassa Mbungo yatandukanye na Bandari FC yo muri Kenya azira umusaruro muke

Nyuma y’amezi 13 gusa, Umutoza w’umunyarwanda Andre Cassa Mbungo yatandukanye na Bandari FC yo muri Kenya azira umusaruro muke

Ubwanditsi 21 Feb 2022
U Bufaransa bwageze ku mukino wa nyuma w’Igikombe cy’Isi busezereye u Bubiligi

U Bufaransa bwageze ku mukino wa nyuma w’Igikombe cy’Isi busezereye u Bubiligi

Ubwanditsi 11 Jul 2018
Abagacishijeho muri Arsenal nka Robert Pires, bamuritse umwambaro mushya uriho ‘Visit Rwanda’

Abagacishijeho muri Arsenal nka Robert Pires, bamuritse umwambaro mushya uriho ‘Visit Rwanda’

Ubwanditsi 08 Jun 2018
Tombola ya Champions League 2021-2022 yasize Manchester City na PSG mu itsinda rimwe, Chelsea na Juventus zisanze mu rindi, uko tombola yagenze yose

Tombola ya Champions League 2021-2022 yasize Manchester City na PSG mu itsinda rimwe, Chelsea na Juventus zisanze mu rindi, uko tombola yagenze yose

Ubwanditsi 27 Aug 2021

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Gutabariza umunyarwandakazi waguye mu gihugu cy’U Buholandi
ITOHOZA

Gutabariza umunyarwandakazi waguye mu gihugu cy’U Buholandi

Ubwanditsi 10 Jan 2018
Ndagisha Inama
HIRYA NO HINO

Ndagisha Inama

Ubwanditsi 17 May 2017
N’Golo Kante niwe mukinnyi mwiza w’umwaka i London, Arsenal yatashye amaramasa
MULTIMEDIA

N’Golo Kante niwe mukinnyi mwiza w’umwaka i London, Arsenal yatashye amaramasa

Ubwanditsi 03 Mar 2017

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru