Col.John Tshibangu wari umusirikare wa Leta ya Congo nyuma akaza kuyiyomoraho avuga ko agiye gushinga umutwe w’inyeshyamba, agiye gushyikirizwa inkiko.
Col Tshibangu nyuma yo gutoroka igisirikare cya Leta (FARDC) yari yahungiye muri Tanzania, ndetse anatangaza ku mugaragaro ko yitandukanyije na Leta ari nabwo yari yatangaje ko ahaye Perezida Kabila iminsi 45 akaba yavuye ku butegetsi.
Ubu butubwa yabutambukije abicishije muri video yagiye ihanahanwa ku mbuga nkoranyambaga. Nyuma yaho Leta ya Tanzania umufatiye ikamusubiza iwabo muri Congo, uyu musirikare agiye gushyikirizwa ubutabera aho ashinjwa gutegura umugambi wo gushinga umutwe w’inyeshyamba zirwanya Leta.
Col.John Tshibangu
Minisitiri w’umutekano muri RD Congo, Crispin Atama . yatangarije BBC ko uyu mukoloneli azashyikirizwa ubutabera ashinjwa gushinga umutwe w’inyeshyamba, ndetse ko yizeye ko urubanza rwe ruzacibwa mu mucyo n’ukuri.
