Polisi y’Igihugu yashyize Commissioner of Police (CP) Kabera John Bosco ku mwanya w’ubuvugizi bwayo, asimbuye CP Theos Badege wagiye mu butumwa bw’amahoro.
Itangazo riri ku rubuga rwa Polisi y’Igihugu (RNP) rigaragaza ko CP Kabera inshingano z’ubuvugizi azazifatanya no kumenyekanisha ibikorwa byayo n’Ishami ry’itangazamakuru.
Mu yindi mirimo yakoze, CP Kabera yanayoboye Ishuri rya Polisi y’u Rwanda rya Gishali. Ubu yari ashinzwe ishami ry’ibikoresho (Logistics) muri Polisi.
Abaye umuvugizi wa Polisi y’Igihugu iyoborwa na IGP Dan Munyuza wahawe kuyiyobora asimbuye CG Emmanuel K. Gasana wagizwe Guverineri w’Intara y’Amajyepfo.
