Kapiteni w’ikipe y’igihugu y’umupira w’Amaguru, Amavubi, Bizimana Djihad yamaze kwerekeza mu ikipe ya Hapoel Ramat Gan Givatayim FC yo mu kiciro cya kabiri muri Israel.
Ibi byatangajwe n’uwahoze ari amabasaderi wa Israel mu Rwanda Dr Ron Adam ubwo yari ashyize ifoto kuri Twitter aba bombi bari kumwe.
Amakuru aravuga ko Djihad na Ambasaderi Dr Ron bahuriye muri Israel ubwo uyu mukinnyi yari yerekeje muri icyo gihugu gusozanya na Hapoel Gan Givatayim FC.
Djihad Bizimana yerekeje muri Israel nyuma yaho amasezerano ye yari arangiye mu ikipe ya KMK Deinze yo mu Bubiligi ariko ntibamwongerera.
Undi mukinnyi watangajwe nk’umukinnyi mushya ni Léandre Will Essomba Onana wamaze gutangazwa nk’umukinnyi mushya wa Simba Sports Club yo muri Tanzania.
Onana wari wasoje amasezerano muri Rayon Sports anatsinze ibitego byinshi muri Gikundiro n’ibitego 16, yamaze kwerekanwa nk’umukinnyi wa Simba mu gihe cy’imyaka ibiri iri imbere.
Simba SC irimo kwitegura gukina imikino mpuzamahanga ya CAF Champions League ikomeje gutangaza abandi bakinnyi bashya bazakoresha muri iyi mikino barimo n’uyu munya Cameroon.
