Ikipe ya Gasogi United iheruka gutandukana n’uwari umutoza wungirije mu gihe cy’imyaka ibiri iheruka ariwe Mbarushimana Shabani, iyi kipe biteganyijwe ko kuri uyu wa mbere tariki ya 18 Nyakanga 2022 aribwo iri bwerekane umutoza wayo mushya w’umunya-Misiri Ahmed Adel Abdelrahman Ibrahim.
Uyu mutoza uzatoza Gasogi United mu gihe cy’imyaka ibiri iri imbere, yamaze kugera mu Rwanda aho yari avuye mu ikipe ya Panthère du Ndé yo mu kiciro cya mbere muri shampiyona yo mu gihugu cya Cameroon.
Ahmed Adel Abdelrahman si ubwa mbere agiye gutoza hano mu Rwanda kuko mu minsi ishize, uyu mwarabu akaba yaratoje ikipe yo mu majyaruguru y’u Rwanda ariyo ya musanze FC, aba batandukanye nyuma yaho habayemo ubwumvikane buke hagati ye n’ubuyozi bwayo.
Ahmed Adel Abdelrahman Ibrahim mu ikipe ya Gasogi United azungirizwa na Bahaa Eldin nawe w’umunya-Misiri.
Usibye uyu mutoza wahaawe amasezerano muri iyi kipe, andi makuru aravuga ko rutahizamu uca ku ruhande Ishimwe Kevin uheruka gutandukana na Rayon Sports nawe yaba yamaze gusinyira iyi kipe amasezerano y’imyaka ibiri iri imbere.
