Gicumbi : Gitifu w’Akarere yeguye, abajijwe impamvu ati: “Eeeh! Waba uretse gato.”

Byiringiro Fidele wari Umunyamabanga Nshingwabikorwa w’Akarere ka Gicumbi mu Ntara y’Amajyaruguru, yeguye ku kazi ke ku mugoroba wo kuri uyu wa Kane tariki ya 24 Ugushyingo 2016.

Umuyobozi w’Akarere ka Gicumbi, yemeje ko yakiriye ibaruwa ya Byiringiro isaba ‘guhagarika akazi’.

Meya Mudaheranwa yagize ati “Yanditse[Byiringiro] asaba guhagarika akazi; yahagaritse akazi ku mpamvu z’uko ngo agiye gukomeza amasomo.”

Nyir’ubwite, Byiringiro Fidele, asabwe n’umunyamakuru kugira icyo avuga ku bwegure bwe, mu magambo make yagize ati “Eeeh! Waba uretse gato.” ubundi ahita akupa telefoni ye igendanwa.

Gitifu Byiringiro yavugwagaho ibibazo mu mitangire y’amasoko no ‘gusiragiza’ ba rwiyemezamirimo baba baratsindiye amasoko atandukanye mu Karere ka Gicumbi.

Byiringiro Fidele