Hussein Shaban yujuje ibitego 9 akomeza kuyobora ba rutahizamu bamaze gutsinda byinshi, Twizerimana Onesme aba umunyarwanda utsinze 3 mu mukino umwe

Ubwo Shampiyona y’u Rwanda yakinwaga ku munsi wayo wa 16, amakipe atandukanye ndetse na bamwe mu bakinnyi bakoze ibitari bimenyerewe ugereranyije n’umunsi wa 1 w’igice kibanza cy’umwaka w’imikino 2021-2022.

Ku munsi wa mbere w’imikino yo kwishyura habonetse ibitego 23, ni mugihe mu mukino wafunguye igice kibanza ho habonetse ibitego 14 bivuzeko ubusatirizi mu gice cyo kwishyura bwitwaye neza.

Mu mibare, dore ibyaranze uyu munsi wa shampiyona:

Rutahizamu wa Police FC ,Twizerimana Onesme yatsinze ibitego 3 mu mukino umwe bahura na Etoile de l’Est, uy mukinnyi akaba yakinnye iminota 32, ibi bigatuma uyu mukinnyi w’umunyarwanda utsinze ibitego 3 mu mukino umwe.

Kuva umwaka ushize wa shampiyona y’u Rwanda 2020-2021 yatangira, nibwo rutahizamu wa Police FC Ndayishimiye Antoine Dominic yatsinda ibitego 2 wenyine mu mukino umwe, akaba yahise yuzuza ibitego 5.

Igitego Hakizimana Muhadjiri wa Police FC yatsinze ikipe ya Etoile, cyabaye icya 6 muri uyu mwaka w’imikino wa 2021-2022.

Nyuma yo kongera amasezerano y’imyaka ine muri APR FC, Byiringiro Lague yafashije ikipe ye gutsinda Gicumbi FC ibitego 2 ku busa.

Umutoza wungirije wa Etoile FC, Banamwana Camarade ntiyari yemerewe gutoza umukino w’ikipe ye yasuye Police FC , iyi kipe ya Etoile FC yatojwe na Rachid.

Igitego Shaban Hussein Shabalal wa AS Kigali yatsinze cyujuje ibitego 9 atsinze, akaba ayoboye abakinnyi bafite ibitego byinshi muri shampiyona y’u Rwanda 2021-2022.

Uko imikino y’umunsi wa 16 wagenze muri rusange:
Gasogi United 3-2 Marines FC
Gorilla FC1-2 Kiyovu SC
Mukura VS&L 1-0 Rayon Sports FC
AS Kigali 4-0 Espoir FC
Rutsiro FC 0-2 Etincelles FC
Police FC 6-0 Etoile de l’est FC
Bugesera FC 0-0 Musanze FC
Gicumbi FC 0-2 APR FC