Ku gicamunsi cyo kuri uyu wa Kabiri tariki ya 28 Gicurasi 2024 hatashywe ku mugaragarago ikibuga cy’umukino w’intoki wa Basketball cyubatswe muru Ecole Notre Dame de la Providence Karubanda ho mu karere ka Huye.
Ni ikibuga cyubatswe ku bufatanye bwa Minisiteri ya Siporo mu Rwanda, Ishyirahamwe ry’umukino wa Basketball (FERWABA) ndetse n’ikigo cyo guteza imbere uyu mu mukino kubakinnyi bakomoka ku mugabane wa Afurika kizwi nka Giant Of Africa.
Uyu muhango wabereye mu karere ka Huye ko mu ntara y’Amajyepfo cyari cyitabiriwe na Minisitiricwa Siporo, Madamu Munyangaju Aurore Mimosa, Visi Perezida wa FERWABA, Mugwaneza Pascale na Masai Ujiri uyobora Giants Of Africa.
Si ubwa mbere Giants Of Africa yubaka ibibuga bitandukanye mu Rwanda, kuko yanafatanyije na Minisiteri ya Siporo kubaka ibibuga bitandukanye harimo icya Kimironko, Club Rafiki y’i Nyamirambo ndetse n’ikibuga cya Lycée de Kigali.
