Kuwa Gatandatu tariki 23/10/2021, kuri Sitade Amahoro i Remera, hasojwe irushanwa ry’umukino wa Basketball ikinwa n’abakinnyi batatu kuri batatu ryiswe “FERWABA 3X3 ELITE CHALLENGE”.
Iri rushanwa ryateguwe n’ishyirahamwe Nyarwanda ry’umukino w’intoki rya Basketball “FERWABA”, kubufatanye na Rwanda Wheelchair Basketball Federation (RWBF), ryari ryahuje amakipe y’abakina basketball bahagaze ndetse n’ay’abantu bafite ubumuga bakina bicaye mu tugare uzwi nka “Wheelchair Basketball”, akaba ari mu rwego rwo kudaheza abantu bafite ubumuga cyane ko nabo bakina basketball (INCLUSIVE SPORTS).UKO IRUSHANWA RYAGENZE:
Mu bagabo ahari hitabiriye amakipe 16, aho yari agabanyije mu matsinda 4, barahuye hagati yayo maze iya mbere muri buri tsinda ibona itike ya 1/2.
Mu mikino ya 1/2 yabaye; LDK yabaye iya mbere mu itsinda B, yatsinze SHOOT 4 STARS yabaye iya mbere mu itsinda A, ku manota 17 kuri 16.
Ku rundi ruhande, UR (A) yabaye iya mbere mu itsinda D, CBT yabaye iya mbere mu itsinda C, ku manota 12-08.
Ku mukino wa nyuma, UR (A) yaje gutsinda LDK ku manota 14 kuri 05. Ni mu gihe CBT yaje kwegukana umwanya wa 3 itsinze Shoot 4 Stars ku manota 6-3.
Mu bagore ahari hitabiriye amakipe 10, agashyirwa mu matsinda abiri, aho yagiye ahura hagati yayo amakipe abiri ya mbere muri buri tsinda abona itike ya 1/2.
Muri 1/2, GS Marie Reine Rwaza yabaye iya mbere mu itsinda A, yatsinze na APR yabaye iya kabiri mu itsinda B, ku manota 06-04.
Mu wundi mukino wa 1/2, UR (B)yabaye iya mbere mu itsinda B, yatsinzwe na ESB Kamonyi yabaye iya kabiri mu itsinda A, ku manota 10-09.
Ku mukino wa nyuma, ES.B Kamonyi yatsinze GS Marie Reine Rwaza ku manota 15-12.
Ni mu gihe UR (B) yaje kwegukana umwanya wa 3 itsinze APR ku manota 13-08.
Muri Wheelchair Basketball, hari hitabiriye amakipe 4 yose maze ahura hagati yayo nyuma hakorwa urutonde.
Muri 1/2, ikipe ya mbere yahuye n’iya kane (1 vs 4), iya kabiri ihure n’iya gatatu (2 vs 3).
Ikipe y’Indangamirwa (Team Basile), yabaye iya mbere itsinze Inganizi (Team Hashim), ku manota 4-2 naho
Indatwa (Team Meschack)
yegukana umwanya wa 3 itsinze Ingeri (Team Slim)
ku manota 6-5.
Mu bihembo bizatanzwe; ikipe ya mbere mu bagabo n’abagore yahawe imidari ya zahabu ndetse n’inkweto za siporo, iya kabiri ihabwe iya imidari ya argent iya gatatu ihabwa imidari ya Bronze.
Mu cyiciro cy’abafite ubumuga (Wheelchair Basketball), ikipe yabaye iya mbere yahawe imidari ya zahabu, umupira wo gukina ndetse n’inkweto za siporo, iya kabiri yahawe imidari ya argent n’umupira wo gukina naho iya gatatu ihabwa imidari ya Bronze n’umupira wo gukina.
