Uwahoze ari perezida w’u Bufaransa Nicolas Sarkozy yatawe muri yombi na polisi y’icyo gihugu kugira ngo abazwe ku bijyanye n’amafaranga yakoresheje mu matora ya 2007 ayahawe na Muammar Gaddafi mu buryo butemewe n’amategeko.
Sarkozy w’imyaka 63 yayoboye Ubufaransa kuva 2007 kugeza muri 2012. Gusa.ahakana ibyaha byose aregwa avuga ko atigeze yakira amafaranga yo kumufasha mu matora mu buryo bwa magendu. Avuga ko bashaka ku mwihoreraho kuberako yafatanije na Amerika guhirika ubutegetsi bw’igitugu bwa Gaddafi.
Ubutabera bwo mu Bufaransa butangaza ko ubwo Sarkozy yiyamamarizaga kuyobora u Bufaransa muri 2007, Libya yamuhaye amafaranga arenga milliyoni 50€ z’amayero mu buryo bunyuranije n’amategeko.
Polisi kandi yatangije iperereza ku bindi byaha Sarkozy ashinjwa birimo: gukoresha ububasha afite mu buryo buhabanye n’itegeko, kunyereza umutungo wa rubanda, kunyereza amafaranga,,. Akaba yarabikoze muri Mata 2013.
