Mu mpera z’u mwaka ushize nibwo hirya no hino ku isi hacaracaye amakuru ko nyampinga wa Iraq 2017 witwa Sarah Idan we n’umuryango we bari mu mazi abira ndetse basabwe guhunga kubera selfie yifotoye ari kumwe na nyampinga wa Israel witwa Adar Gandelsman,bari bahatanye mu marushanwa ya nyampinga w’isi,yongeye kwifotozanya n’uyu mukobwa wamukozeho.
Uyu mukobwa ukomoka muri Iraq yirengagije amahari asanzwe ari hagati y’igihugu cye na Israel,yifotozanya n’uyu mukobwa bari bahuriye mu marushanwa, arangije ashyira ayo mafoto kuri Instagram, byatumye yakira ubutumwa uruhuri bumubwira ko bazamwica n’umuryango we natava mu gihugu,bahungira Los Angeles muri USA.
Mu mashusho yacaracaye hirya no hino ku isi,aba bakobwa bombi bahuriye muri Israel nyuma y’amezi 6 ibi bibaye, ndetse Sarah abinyujije kuri Instagram yagaragaje ko yishimiyekongera guhura n’uyu mukobwa wamukozeho n’umuryango we, bamenyaniye mu marushanwa ya nyampinga w’isi.
Sarah yatumiwe muri Israel n’umuryango w’abayahudi b’abanyamerika wita ku kiremwamuntu,bituma ahura na Miss Israel 2017,bifotozanyije bikamukururira kwirukanwa iwabo muri Iraq.
