Paul Kagame umukandida wa FPR Inkotanyi niwe uyoboye abandi mu majwi y’agatenyo y’abakandida batatu bahatanira kuyobora u Rwanda muri manda y’imyaka irindwi, bikaba bitangajwe na Komisiyo y’Igihugu y’amatora (NEC) mu kanya.
Uko babonye amanota ku ijana ku ijana by’agateganyo
Philippe Mpayimana 0, 73%
Dr Habineza Frank 0, 47%
Paul Kagame 98, 63%.
Aya ni amajwi atangajwe ku mugoroba wo kuri uyu wa Gatandatu tariki ya 5 Kanama 2017, nyuma yo gukusanya uko Uturere twose two mu Rwanda twatoye, aho hose Nyakubahwa Paul Kagame ari we waje ku isonga.
Perezida Paul Kagame
Nyuma yo gutangaza ibyavuye mu matora, Dr Frank Habineza umukandida w’Ishyaka Democratic Green Party yatangaje ko yakiriye ibyavuye mu matora aboneraho kwifuriza Nyakubahwa Paul Kagame ishya n’ihirwe.
