Mu mukino wa gishuti wabaye kuri uyu wa Gatandatu, Ikipe ya Rayon Sports yanganyije na Gorilla FC igitego kimwe kuri kimwe ubwo bakinaga umukino wa gicuti.
Ni umukino wabereye kuri Kigali Pele Stadium urangira bombi banganyije, ku ruhande rwa Gorilla FC yatasindiwe na Bobo Camara naho Ishimwe Fiston atsindira Gikundiro.
Uyu mukino wagaragayemo amazina mashya ku mpande zombi, nko kuri Rayon Sports harimo nka Omar Gning, Richard Ndayishimiye, Ishimwe Fiston, Fitina Omborenga.
Harimo kandi umunyezamu Ndikuriyo Patient, Niyonzima Olivier Seif, Rukundo Abdoul Raham uzwi nka PaPlay, Kabange n’Abandi.
Kuri Gorilla y’umutoza Kirasa Alain yari ifite abarimo Muhawenayo Gad, Victory Murdah, Ntwali Evode, Prince Nduwimana, Ruhumuriza Patrick n’abandi.
Usibye uyu mukino wakinwe uyu munsi, Rayon Sports izakina indi mikino irimo uwo bazakina n’Amagaju FC kuwa Gatatu w’icyumweru gitaha ndetse n’uwo bazakina na Musanze mu mpera z’icyumweru gitaha.
Nyuma y’iyi mikino, hateganyijwe ko Gikundiro izakina n’ikipe ya Azam FC yo muri Tanzania bakazakina kuri Rayon Day.
Rayon Day ni umunsi wahariwe ikipe ya Rayon ukorerwamo ibikorwa bitandukanye biriko kwerekana abakinnyi bashya, imyambaro mishya n’ibindi.
